Parum Banjar tgl. 23 Agustus 2017

Acara :     

  1.      Pemabah

  2.      Sambrama Wecana saking Kapolsek

  3.      Indik Arta Brana

  4.      Indik Piodalan ring Pura Pengulu

  5.      Indik Tetangunan

  6.      Indik Nyekah Massal

  7.      Indik Ni Kadek Irmayani

  8.      Atur Piuning Klian Dinas

  9.      Darmatula

10.      Penyineb

--------------------------------------------------------------------------------------------------------------

1.      Parum kaenter olih Menggalaning Adat / Kelian Adat Banjar, kerauhin para Krama Banjar Adat sami, kekawitan sawatara galah 13.30ita, keaturang Pengenjali Umat “Om Swastyastu” pinaka pemabah.

2.      Sembrana wecana saking Kapolsek untengne nunas Krama Banjar Denkayu Delodan mangde waspada ring kulawarga suang-suang indik kriminal, Narkoba miwah sane liannan, utusan saking Kapolsek ritatkala sembrama wecana punika mapunia ke Banjar lan Pecalang merupa ember, senter, sampat miwah sane lianan

3.      Indik Arta Brana :

·         Saldo Kas [25 Januari 2017]                   Rp. 307.383.948,-

·         Kas Ngeranjing                                      Rp. 132.195.000,-

Rp. 439.578.948,-

o                Kas Medal                                               Rp. 280.439.500,-

o                Saldo Kas [23 Agustus 2017]                   Rp. 159.139.448,-

4.      Indik Piodalan ring Pura Pengulu sane pacang rauh jagi Masekar-taman – Pulogembal,  seantukan jagi Melaspas Balai Banjar lan pawintenan Kepala Kewilayahan [Kelian Dinas Banjar] sane anyar

5.   a]. Tetangunan Balai Banjar jagi kelanturan, indik dana wantuan sampun tedun.

b]. Tetangunan kos-kosan ring banjar waru sampun puput lan sampun wenten sane     

     ngontrak bulanan sementara.

c]. Indik Warung ring kos-kosan sewa-kontrakne kelanturan malih 5 warsa, dumun  

     prabya sewa kontrak Rp. 17.000.000,- [pitulas juta rupiah] mangkin ketincapan dados Rp. 35.000.000,- [sasur juta rupiah].

6.   Indik Nyekah massal wantah Nyekah Kurung – Catur biasa

a]. Prabya ancer-ancer Rp. 10.000.000,- [dasa juta rupiah] a sawe, dipradene

     wenten jagi nyarengan Mapetik/Telu-bulanan, Metatah nenten kekeniang prabya

b]. Mapetik / Telu-bulanan krama sane nenten madue sawe kekeniang Prabya :

b]. Prabya Mapetik / Telu-bulanan Rp. 500.000,- / adiri

c]. Prabya Metatah / Mesangih Rp. 500.000,- / adiri jagi anggen katumbasan wastra

Parum Pinanggal 22 Januari 2017 : Indik Nyekah massal kabecikan malih :

a].   Nyekah ring Pribadi tetep kedadosan, wantah ngantos ring kulewarga sane asiki Kemulan / Taksu,

b].   Krama sane madue sawe jagi kairingan, nyarengan ring siwa miwah genah sane lianan nenten kedadosan

c].   Indik Nyekah jagi nganggen jadwal tetep 5 [lima] warsa apisan, dipradene sawe nenten wenten 10 [dase] diri jagi keblibagan dumun sareng sane madue sawe

Nyekah masal punika kedagingan malih sekadi ring sor :

d].   Dipet prade sinalih tunggil krama Banjar Denkayu Delodan jagi makarya Ngenteg Linggih ring Merajan / Sanggah nanging kantun madue sawe, kedadosan Ngiringan ring nura desa, mangde mesadok ring Prajuru,   kekeniang batu-batu Rp. 2.000.000,- [dua juta rupiah] asawe

e].   Dipradene nenten mesadok ring Prajuru, krama sane madue sawe keiringan ring nura desa punika, jagi kakeniang sanksi berupa batu-batu Rp. 10.000.000,- [dasa juta rupiah] asawe.

Indik Perarem Nyekah masal sami Kasungkemin olih Krama Banjar

Indik Genah Nyekah masal ---- dipending

Sane kajudi dados Panitia Nyekah anggen mekarya Proposal :

                        Ketua             : I Gusti Ngurah Gede Namaika [Kelian Adat Banjar]

                        Sekretaris      : I Putu Kastawan [Penyarikan Banjar]

                        Bendahara    : I Ketut Artika [Patengen Banjar]

Panitia Nyekah jagi kekaryanan ungkuran

7.   Indik krama Ni Kadek Irmayani [pianak I Made Duwita] mangkin sampun mulih-daha melarapan Surat Putusan Pengadilan Nomor : 357 / Pdt.G / 2017 / PN.Dps, pinanggal 13 Juni 2017

8.      Atur Piuning saking Klian Dinas

a.   Indik PTSL [Pendataan Tanah Systimatis Lengkap] -

b.   Krama mangde ngumpulan copyan Kartu Keluarga seantukan jagi wenten pembaharuan Data KK

c.   Indik Lansia jagi ngemolihan wastra saking Kantor Perbekel

9.      Darmatula / Usul :

1.   Indik Laba Pura Dalam Denkayu sane magenah ring dangin Pura Gede Bun lan Pura Batan Tanjung kemanggehan sekadi ring Ilikita [Surat Keterangan Pendaftaran Tanah] seantukan daweg puniki wenten ilikita saking pak Camat makayunan maosan lan dados penengah indik Pelaba Pura punika.

2.   Indik Karang Ayahan I Made  Arta [almarhum], sane wenten arsa lan patut jagi ngayahan, mangda mesadok ring Prajuru, dipet prade ngantos 6 [enam] sasih [Buda kliwon] jagi rawuh nenten wenten krama sane ngayahan, karang ayahan punika jagi kasungkeman olih Banjar Adat Denkayu Delodan.

-       Indik Karang Ayahan I Made Arta [almarhum] mangde kaselehan dumun sire sane patut jagi ngayahan, karang ayahan punika

                     

10.     Pupulan Parum kewacen, sedurung Parum kapuputan ring galah 15.54 wita, antuk Perama santih : Om santih,santih,santih Om