Parum Tanggal 20 Juni 2012

Acara :

1. Pemabah
2. Indik Arta Brana
3. Indik Parum Pemuka

·         Indik Piodalan

·         Indik Tetangunan Balai Kulkul

·         Indik Bangunan Kos-kosan Banjar

·         Indik Margi ring Bedauh

·         Indik Laba Pura Dalam Denkayu

4. Indik Pecalang
5. Atur Piuning Klian Dinas
6. Darmatula
7. Penyineb

1.     Parum kekawitan galah 13.33 wita, kaenter olih Kelihan Adat Banjar keaturang Pengenjali Umat “Om Swastyastu” pinaka pemabah.

2.      Indik Arta Brana :

·         Saldo Kas [23Nopember 2011]                  =Rp. 127.648.529,-

·         Kas Masuk                                                  =Rp.   89.709.360,-

Jumlah                                                              =Rp. 217.457.889,-

·         Kas Keluar                                                              =Rp.   75.512.225,-

Saldo Kas [20 Juni 2012]                                 =Rp. 141.995.664,-

3.      Indik Parum Pemuka sareng Prajuru, sami kesungkemin olih Krama Banjar minakadi :

·         Piodalan ring Pura Pengulu sane jagi rauh wantah medatengan

·        Indik Balai Kulkul pacang kegentosan / kebecikan, sesampune wantuan saking Perbekel Desa Werdi Bhuwana tedun, prabiya jagi nyantos RAB,

·        Indik Bangunan Dunungan [Kos-kosan] Banjar sane wenten ring Banjar Waru jagi kerenovasi [kecat miwah sane lianan]  

1.     Bangunan punika mangkin sebilang kamar sampun medaging Listrik, Toya PDAM sampun dados keanggen, indik prabiya rekening jagi ketaur sareng sane kos irika.

2.     Indik sewa dumun Rp. 1 juta keunggahan malih dados Rp. 2,5 juta awarsa, sane mangkin sampun medaging kalih kamar.

3.     Indik Sertifikat Tanahne, jagi ketunasan Pembatalan Sertifikat sareng Instansi BPN mangda nenten wenten malih kesengketan pihak lianan.

4.     Bangunan Los ring arep sampun wenten penawaran Sewa-Kontrak 5 warsa, prabiya sewa Kontrak Rp. 3,5 juta awarsa.

5.      Rencana jagi mecikan Pelinggih Padma sareng Tunggun Karang, indik Pelinggih sane wenten dipradene kedadosan jagi keanggen malih, indik puniki pacang ketutasan ring sulinggih.

6.      Rencana jagi ngaryanin / nangun Kamar Kos-kosan sane medaging Kamar mandi malih ring sisi kangin, ketunda dumun ngantos wusan mecikan tetangunan Bale Kulkul

·        Indik Gang / Margi sane bedauh jagi kebecikan nganggen paving niki wantuan saking PNPM, agengne Rp. 170 Juta, nanging durung kelaksanayang seantukan wenten warga irika  mepikayun mangde margi sane lami kewalian malih, selanturne pacang keukur malih sareng Panitia Pembangunan Banjar, seantukan volume margi lan prabiyane ngagengan. Selanturne pacang ketunasan solusi ring Perbekel mangda nenten nemuin biyuta.

·         Indik Pelaba Pura Dalem Denkayu dipradene jagi Kebaosan malih ring Parum Desa Adat Denkayu :

1.      Prajuru sareng Krama Banjar Denkayu Delodan mangda ngetetepang Parum Banjar pinanggal 27 Juli 2003 lan Parum pinanggal 5 Agustus 2004

2.      Dipradene wenten malih ilikita undangan saking Bendesa Adat pacang maosan khusus indik Laba Pura Dalem Denkayu, Prajuru Banjar lan sane keundang sareng sami nenten pacang ngerauhin.

3.      Dipradene maosan indik Pelaba Pura Dalem Denkayu punika nyarengin ring Parum Desa mangde acarane kegenahin ring ungkur, selanturne Pengurus kasarengin undangan, Krama Banjar Adat Denkayu Delodan sami mangde ngeninggalin Parum Desa punika

4.      Darmatula

5.      Penyineb

Parum Tgl. 27 Juli 2003

1. Banjar Denkayu Delodan a/n Krama Desa Adat Denkayu nenten prasida nerima Pura Dalem Batan Tanjung keranjingan ring Desa Adat Denkayu, riantukan pengempon Pura Dalem Batan Tanjung wantah saking Banjar Denkayu Baleran, sampun pastika janten saking riin keriin.
2. Inggian Pelaba Pura, Pura Dalem Denkayu mangda nginutin sekadi Ilikita : Surat Keterangan Pendaftaran Tanah Nomor : 948 / 1985, Persil No. 15SP. Pipil No. 34. Klas II. Luas : 2840 M2 tertulis a/n Pura Dalam Denkayu.

Parum Tgl. 5 Agustus 2004

·         Indik Pelaba Pura

Kawentenan biyuta indik Pelaba Pura Dalam Denkayu rauh mangkin durung prasida kapuputan, pacang kusekserah ring Desa Adat Denkayu sekadi Ilikita : Surat Keterangan Pendaftaran Tanah Nomor : 948 / 1985, Persil No. 15SP. Pipil No. 34. Klas II. Luas : 2840 M2 tertulis a/n Pura Dalam Denkayu.