Parum Tanggal 12 Maret 2014

Acara :

1. Pemabah
2. Indik Arta brana
3. Indik Piodalan ring Pura Pengulu
4. Indik Tetangunan

·         Renovasi Balai Banjar

5. Mekarya Jerukung sareng Surya anggen ring Setra
6. Prajuru Banjar periode 2009 – 2014 sami mepamit

·         Indik Kelian Adat Banjar

7. Perarem Pawiwahan ketinjau malih
8. Ngelaksanayang Hasil Pesraman indik Upakara Pengabenan
9. Petaken sane durung kecawis

·         Indik Nyekah Massal mangde ketinjau malih

·         Indik pianak istri sane Nganten medal mangde kepatehan sekadi pianak lanang

10.      Darmatula Pemuka Banjar

11.      Darmatula

12.      Penyineb

1.      Parum kaenter olih Manggalaning Adat / Kelian Adat Banjar, kekawitan sawatara galah 13.30 wita, keaturang Pengenjali Umat “Om Swastyastu” pinaka pemabah.

2.      Arta Brana Banjar :

·         Saldo 14 Agustus 2013                         Rp. 138.977.874,-

·         Kas Masuk                                            Rp. 189.293.790,-

·         Jumlah                                              Rp. 328.271.664,-

                ·         Kas Keluar                                      Rp.   76.981.500,-

·         Saldo Kas                                         Rp. 251.290.164,-

·     Jinah Aspal [asli tapi palsu]                Rp.          50.000,- 
·         Saldo Kas 12 Maret 2014             Rp. 251.240.164,-

3.      Piodalan ring Pura Pengulu sane jagi rauh wantah Medatengan

4.      Indik Tetangunan :

·         Seantukan ngemolihan wantuan Rp. 120 juta saking Kantor Perbekel, Balai Banjar Denkayu Delodan jagi ke becikan bertahap, nenten ngantos puput, indik pekaryanne jagi keatur olih Panitia Pembangunan.

5.      Ritatkala Pengabenan ring Setra jagi kekaryanin Jerukung kalih, anggen Surya kalih sane melakar aji serana besi me-las, nanging mangde dados lipet, asampunika masih jagi mekarya roda anggen ring tatakan Gong, roda sane jagi ke anggen ring bale-bale / wadah kepandding dumun

6.      Indik Prajuru Adat :

·         Seantukan galah ngayah Prajuru Adat Banjar periode 2009 – 2014 ngantos pinanggal 5 Agustus 2014, Prajuru sami pacang nunas mepamit, selanturne Kelian Adat nunas ring krama Banjar mangde ngeruruh calon wantah Kelian Adat kewanten [ nginutin awig ]

·         Pecalonan lan Pemilihan Kelian Adat Banjar periode : 2014 – 2019 

Calon terpilih  I Gusti Ngurah Gede Namaika

·         Kelian Adat sane kajudi selanturne ngeruruh lan netepang Prajuru Banjar :

Wakil                     : I Made Kader

Penyarikan            : I Putu Kastawan

Patengen               : I Ketut Artika

Juru arah               : I Nyoman Suardana

                              : I Made Dwita

Waker                   : I Made Mara 

7.      Indik Pawiwahan

·         Indik linggih Pawiwahan sane sampun memargi ajengan mesangguh metanding, mangkin jagi kegentosan antuk Prasmanan [ Pesta Jalan ]

·         Dipradene wenten sinalih tunggil krama banjar mekarya pawiwahan, mepandes medaging Memetik lan Nelu Bulanan kedadosan, indik linggih Krama Banjar kepatehan sekadi pawiwahan [prasmanan]

8.      Indik Upakara Pengabenan jagi kelaksanayangan nginutin hasil Pesraman / Sruti Banten Pengabenan Alit, minakadi banten / upakara Pemegat  jagi kemargiang sedereng memargi ke Setra-ne.

9.      Indik Petaken sane durung ke cawis :

·         Seantukan wenten pitaken daweg Parum pinanggal  14 Agustus 2013 indik Nyekah Massal mangde ketinjau malih

·         Parum Banjar pinanggal 26 September 2010 indik Nyekah Massal

1.      Inggian memukur massal jagi kemargiang sebilang 5 warsa apisan, yening sampun wenten sawa akehnyane paling akidik 20 diri

2.      Dipradene akeh sawa nenten wenten 20 diri sesampunne 5 warsa,  memukur massal punika jagi kaundur malih 5 warsa selanturne.

·         Dipradene wenten sinalih tunggil krama sane medue pianak wantah istri, nenten wenten lanang, pianak ikrama nganten medal / pesu sane paling pertama, ritatkala makta pejati, Krama Banjar maka sami mangde medelokan [wajib]  makta bebaktan  sekadi bebaktan pawiwahan / pesakapan anak lanang, sakewanten bebaktan punika nenten kewales isin sok, Ikrama Banjar wantah keaturang toya medaging sanganan, pianak krama sane liannan nganten medal / pesu selanturne nenten kedelokin olih Krama Banjar [bebas]

10.  Indik sane lianan [Darmatula Pemuka] katerima Parum Banjar :

·         Parum Banjar pinanggal 23 Nopember 2011, Yening wenten Krama Tamiyu saking Dura Desa Adat Denkayu ngewangun tetangunan ring wewidangan Banjar Adat Denkayu Delodan kekeniang sumbangan wajib tetangunan Rp. 500.000,- [lima ratus tali rupiah] kaunggahin malih dados Rp. 2.000.000,- [kalih juta rupiah]

·         Retrebusi sane ngeranjing ke Kas Banjar minakadi saking Cocacola, Krama Tamiyu, Parkir miwah sane liannan jagi keanggen insentif Prajuru Banjar Rp. 12 000.000,- / 7 bulan kalender, dipradene Retrebusi sane katerima akehne lintang saking Rp. 25.000.000,- insentif Prajuru selanturne jagi nganggen Prosentase [50% ke Kas Banjar, 50% anggen insentif Prajuru]

11.     Darmatula / Usul :

·         I Gusti Ngurah Pinia [Mangku Pengulu] jagi ngangkat I Gusti Ngurah Ananta, dados sentana / penyade ring Jro Gede delodan, Pinunas I Gusti Ngurah Kalem mangde I Gusti Ngurah Kalim keangkat masih ring Jro Gede delodan, selanturne Kelian Adat lan Prajuru Banjar ngaturang galah 35 lemeng mangde nenten wenten pikobet pasemetonan ring Jro.

·         Indik status Jro Pasek.....[pendding]

12.     Pupulan Parum kewacen sedurung Parum kasineb ring galah 16.00 wita, antuk Perama santih : Om santih,santih,santih Om