Parum Pemuka Tanggal 20 Nopember 2011

Parum kekawitan, 19.45 wita, keaturang Pengenjali Umat “Om Swastyastu” pinaka pemabah.

Acara :

1. Pemabah
2. Indik Piodalan
3. Indik Patus
4. Uleman Mangku ritatkala kematian
5. Indik Tetangunan Tembok Penyengker
6. Indik Juru Arah dangin margi
7. Seananin tamiyu lan tetangunan
8. Darmatula
9. Penyineb

1.      Piodalan, wantah medatengan kewanten dipradene Tembok Penyengker durung puput

·         Dipradene Tembok Penyengker sampun puput, Piodalan ring Pengulu jagi Mapregembel

·         Indik Upakara pemelaspas tembok penyengker jagi kekaryanin ring banjar apisan

2.      Indik Patus pacang keunggahan malih saking Rp. 20.000,- dados Rp. 25.000,- [Parum Banjar tanggal 3 Maret 2010]

3.      Uleman Mangku sami ritatkala seda / kematian jagi kegentosan antuk Canangsari medaging sesari Rp. 20.000,-

·         Pejati Nunas tirta mesesari Rp. 20.000,-

4.      Indik Tetangunan Tembok Penyengker :

·         Sesampun aminggu wates tender, sane ngeranjing wantah asiki penender, seantukan ten manut ring Aturan Tender, selanturne Panitia membijaksanai ring penender sane ngeranjing [Penunjukkan], sane molihan Bapak Made Nesa, wantah ngambil pekaryane kewanten, ageng prabiyane Rp. 35.000.000,- materialne ketumbasan olih Panitia

5.      Indik juru arah dangin margi sane kecalonin I Ketut Gunada

6.      Seananin Tamiyu lan Tetangunan

a)     Yening wenten krama tamiyu saking dura Desa Adat ngewangun tetangunan ring wewidangan Banjar Adat Denkayu Delodan kekeniang sumbangan wajib tetangunan Rp. 500.000,-

b)     Selanturne tetangunan punika dipradene keanggen :

·         Tempat tinggal kekeniang batu-batu Rp. 20.000,- / asasih

·         Tempat usaha kekeniang batu-batu  Rp. 30.000,- / asasih

c)      Batu-batu punika jagi kepungut olih Pecalang Banjar

d)     Hasil pungutan batu-batu punika jagi kepah dados kalih :

·         Asiki keambil lan keanggen Kas Pecalang

·         Asiki Ngeranjing ring Kas Banjar

7.      Darmatula

8.      Penyineb