Parum Pemuka tanggal 17 Juni 2012

Acara :

1. Pemabah
2. Indik Piodalan
3. Indik Tetangunan Balai Gendongan
4. Indik Bangunan Kos-kosan Banjar
5. Indik Margi ring Bedauh
6. Indik Laba Pura Dalam Denkayu
7. Darmatula
8. Penyineb

1.      Parum kekawitan sawatara galah 19.40 wita, keaturang Pengenjali Umat “Om Swastyastu” pinaka pemabah.

2.      Piodalan ring Pura Pengulu sane jagi rauh wantah medatengan

3.      Indik Balai Gendongan pacang kebecikan, seantukan jagi ngemolihan wantuan saking Perbekel Desa Werdi Bhuwana  Rp. 55 juta [kotor], sakewanten jagi kekaryanin RAB dumung sareng Panitia Pembangunan.

4.      Indik Bangunan Dunungan [Kos-kosan] Banjar sane wenten ring Banjar Waru jagi kerenovasi [kecet miwah sane lianan]  

·         Bangunan punika mangkin sampun medaging Listrik sebilang kamar, Toya PDAM sampun dados keanggen mangkin, indik prabiya rekening jagi ketaur sareng sane kos irika.

·         Indik sewa Rp. 1 juta keunggahan malih dados Rp. 2,5 juta awarsa, mangkin sampun medaging kalih kamar.

·         Indik Sertifikat Tanah, jagi ketunasan Pembatalan Sertifikat sareng Instansi BPN mangda nenten wenten malih kesengketan pihak lianan, Prabiya......?

·         Bangunan Los sampun wenten penawaran Kontrak 5 warsa, prabiya sewa Kontrak Rp. 3,5 juta awarsa.

·         Rencana jagi mecikan Pelinggih Padma sareng Tunggun Karang

·         Rencana jagi ngaryanin Kamar Kos-kosan malih ring sisi kangin

5.      Indik Margi Bedauh jagi kebecikan nganggen paving seantukan wenten wantuan saking PNPM, nanging durung kelaksanayang seantukan wenten warga irika  mepikayun mangde margi sane lami kewalian malih, selanturne pacang keukur malih sareng Panitia Pembangunan Banjar.

6.      Indik Pelaba Pura Dalem Denkayu sane Kebaosan ring Desa Adat :

·         Prajuru sareng warga Banjar Denkayu Delodan mangda ngetetepang Parum pinanggal 27 Juli 2003 lan Parum pinanggal 5 Agustus 2004

·         Dipradene wenten malih ilikita undangan saking Bendesa Adat pacang maosan khusus indik Laba Pura Dalem Denkayu, Prajuru Banjar lan sane keundang sareng sami nenten pacang ngerauhin.

·         Dipradene maosan indik Pelaba Pura Dalem Denkayu punika nyarengin ring Parum Desa mangde acarane kegenahin ring ungkur, selanturne Pengurus kasarengin undangan, warga Adat Denkayu Delodan sami mangde ngeninggalin Parum Desa punika

7.      Darmatula

8.      Penyineb

Parum Tgl. 27 Juli 2003

1. Banjar Denkayu Delodan a/n Krama Desa Adat Denkayu nenten prasida nerima Pura Dalem Batan Tanjung keranjingan ring Desa Adat Denkayu, riantukan pengempon Pura Dalem Batan Tanjung wantah saking Banjar Denkayu Baleran, sampun pastika janten saking riin keriin.
2. Inggian Pelaba Pura, Pura Dalem Denkayu mangda nginutin sekadi Ilikita : Surat Keterangan Pendaftaran Tanah Nomor : 948 / 1985, Persil No. 15SP. Pipil No. 34. Klas II. Luas : 2840M2 tertulis a/n Pura Dalam Denkayu.

Parum Tgl. 5 Agustus 2004

·         Indik Pelaba Pura

Kawentenan biyuta indik Pelaba Pura Dalam Denkayu rauh mangkin durung prasida kapuputan, pacang kusekserah ring Desa Adat Denkayu sekadi Ilikita : Surat Keterangan Pendaftaran Tanah Nomor : 948 / 1985, Persil No. 15SP. Pipil No. 34. Klas II. Luas : 2840M2 tertulis a/n Pura Dalam Denkayu.