Parum Pemuka tanggal 9 Maret 2014

Acara :

1. Pemabah
2. Indik Piodalan ring Pura Pengulu
3. Indik Tetangunan

·         Tetangunan Kos-kosan

·         Renovasi Balai Banjar

4. Mekarya Jerukung sareng Surya anggen ring Setra
5. Prajuru Banjar periode 2009 – 2014 mepamit

·         Indik Kelian Desa Adat

6. Perarem Pawiwahan, Mepandes ketinjau malih
7. Ngelaksanayang Hasil Pesraman indik Upakara Pengabenan
8. Petaken sane durung kecawis

·         Indik Nyekah Massal mangde ketinjau malih

·         Indik pianak istri sane Nganten medal mangde kepatehan sekadi pianak lanang

9. Darmatula 
10. Penyineb

-----------------------------------------------------------------------------------------------------------

1.      Parum kaenter olih Manggalaning Adat / Kelian Adat Banjar, kerauhin para Pamuka lan Undangan sane lianan, kekawitan sawatara galah 19.50 wita, keaturang Pengenjali Umat “Om Swastyastu” pinaka pemabah.

2.      Piodalan ring Pura Pengulu sane jagi rauh wantah Medatengan

3.      Indik Tetangunan :

·         Tetangunan Kos-kosan jagi kemargiang

·         Balai Banjar jagi ke becikan, seantukan ngemolihan wantuan Rp. 120 juta saking Kantor Perbekel, sakewanten ngemecikan punika bertahap, nenten ngantos puput, jagi keatur olih Panitia Pembangunan.

4.      Ritatkala Pengabenan ring Setra jagi kekaryanin Jerukung kalih, anggen Surya kalih sane melakar aji serana besi me-las, nanging mangde dados lipet, asampunika masih jagi mekarya tatakan meroda anggen ring Gong lan bale-bale / wadah 

5.      Seantukan galah ngayah Prajuru Adat Banjar periode 2009 – 2014 ngantos pinanggal 5 Agustus 2014, Prajuru sami pacang nunas mepamit, selanturne Kelian Adat nunas ring krama Banjar mangde ngeruruh calon wantah Kelian Adat kewanten [ nginutin awig ]

·         Saking Kerta Desa / Pemuka Banjar miwah liannan sane nyarengin Parum sepakat nyalonan malih : I Gusti Ngurah Gede Namaika dados calon Kelian Adat Banjar.

·         Indik Calon Kelian Desa kesukserah ring Parum Banjar sapunika mase dipradene wenten sane dicalonkan / mencalonkan raga dados calon Kelian Adat, kedadosan.

6.      Indik Pawiwahan

·         Indik linggih Pawiwahan sane sampun memargi ajengan mesangguh metanding, mangkin jagi kegentosan antuk Prasmanan [ Pesta Jalan ]

·         Dipradene wenten sinalih tunggil krama banjar mekarya pawiwahan, mepandes medaging Memetik lan Nelu Bulanan kedadosan, indik linggih Krama Banjar kepatehan sekadi pawiwahan [prasmanan]

7.      Indik Upakara Pengabenan jagi kelaksanayangan nginutin hasil Pesraman / Sruti Banten Pengabenan Alit, minakadi banten / upakara Pemegat  jagi kelaksanayang sedereng memargi ke Setrane.

8.      Indik Petaken sane durung ke cawis :

·         Seantukan wenten pitaken daweg Parum pinanggal  14 Agustus 2013 indik Nyekah Massal mangde ketinjau malih

·         Parum Banjar pinanggal 26 September 2010 indik Nyekah Massal

1.      Inggian memukur massal jagi kemargiang sebilang 5 warsa apisan, yening sampun wenten sawa akehnyane paling akidik 20 diri

2.      Dipradene akeh sawa nenten wenten 20 diri sesampunne 5 warsa,  memukur massal punika jagi kaundur malih 5 warsa selanturne.

·         Dipradene sinalih tunggil wenten krama sane medue pianak wantah istri, nenten wenten lanang, pianak ikrama sane nganten medal paling ungkur, ritatkala makta pejati, Krama Banjar maka sami mangde medelokan makta bebaktan  sekadi bebaktan pesakapan anak lanang, sakewanten bebaktan punika nenten kewales isin sok, Ikrama Banjar wantah keaturang toya medaging sanganan.

9.      Usul / Darmatula :

·         Parum Banjar pinanggal 23 Nopember 2011,                                                       Yening wenten Krama Tamiyu saking Dura Desa Adat Denkayu ngewangun tetangunan ring wewidangan Banjar Adat Denkayu Delodan kekeniang sumbangan wajib tetangunan Rp. 500.000,- [lima ratus tali rupiah] kaunggahin malih dados Rp. 2.000.000,- [kalih juta rupiah]

·         Seantukan mangkin sampun wenten dana sane ngeranjing saking Retrebusi minakadi, Tamiyu [Penduduk Pendatang], Parkir, saking Cocacola miwah sane lianan, mangde kekaryanin punia merupa tunjangan insentif ke prajuru,

10.     Galah 23.50 wita Parum kasineb antuk Perama santih : Om santih,santih,santih Om