Parum Pemuka tanggal 31 Oktober 2014

Acara  : 

              1.   Pemabah

2.      Indik Piodalan ring Pura Pengulu

3.      Indik Tetangunan

4.      Indik Patus

5.      Ngaben Ritatkala Ngewangun

6.      Indik Kipem lan tetangunan

7.      Darmatula

8.      Penyineb

-----------------------------------------------------------------------------------------------------------

1.      Parum kaenter olih Menggalaning Adat / Kelian Adat Banjar, kerauhin para Pamuka lan Undangan sane lianan, kekawitan sawatara galah 19.50 wita, keaturang Pengenjali Umat “Om Swastyastu” pinaka pemabah.

2.      Riantukan Karya ring Pura Pengulu sampun 5 warsa, sepatutne Piodalan ring Pura Pengulu sane jagi rauh me-Pragembal wiadin Bebangkit,

3.      Indik Tetangunan :

·         Balai Banjar jagi ke becikan bertahap, pekaryanne jagi keambil sesampunne wusan tetangunan ring Jabe Tengah Pura Gede Bun

4.      Parum Banjar pinanggal 3 Maret 2010 lan Parum Banjar pinanggal 23 Nopember 2011, indik Patus medasarin ajin 3 kg beras, jagi ketinjau malih, saking Rp. 25.000,- ketincapan dados Rp. 30.000,-

5.      Perarem Banjar indik Atiwa-tiwa / Pengabenan, kebecikan malih :

·         Dipradene wenten sinalih tunggil I Krama Banjar Adat ngawentenan Upakara Ngaben Ngewangun mebebangkit 2[kalih], 3[tiga] miwah selanturne kedadosan, sakewanten Krama Banjar jagi nyanggra pekaryanne wantah Upakara Bebangkit 1[siki],   lan Krama Banjar nenten ngemolihan linggih.

·         Indik eedan Pengabenan minakadi : Ngening, Bale-bale / Wadah, Petulang miwah sane lianan sami ke sanggra oleh Krama Banjar

6.      Kipem lan Tetangunan Krama Tamyu

·         Perarem pinanggal 9 Maret 2014 indik Krama Tamyu saking nura desa sane ngewangun Tetangunan ring wewidangan Banjar Adat Denkayu Delodan kekeniang punia tetangunan Rp. 2.000.000,- [kalih juta rupiah]

·         Punia puniki jagi ke pah dados kalih : 75% ngeranjing ke Kas Banjar, sisane 25% anggen jasa pungut Pecalang.

·         Indik Kipem jagi kekaryaning Keputusan Banjar seantukan ring Desa Werdi Bhuwana nenten kedadosan mungut prabya Kipem.

7.      Usul / Darmatula :

·         Penumbas Ayah, Batu-batu miwah sane lianan ketetepan sekadi sane sampun memargi.

·         Indik wantuan sane kekeniang PPN lan PPH 11,5% mangde ditelusuri olih BPD.

8.      Galah 23.35 wita Parum kasineb antuk Perama santih : Om santih,santih,santih Om