Parum Pamuka tgl. 22 Januari 2017

Acara :   

1..   Pemabah

2.    Indik Piodalan ring Pura Pengulu

3.    Indik Tetangunan Balai Banjar

4.    Indik Tetangunan Kos – kosan

5.    Indik I Gusti Ayu Alit Arsini jagi memeras 

       I Gusti Ngurah Adnyana

6.    Indik Nyekah Massal

7.    Darmatula 

8.    Penyineb

-----------------------------------------------------------------------------------------------------------

1.    Parum kaenter olih Menggalaning Adat / Kelian Adat Banjar, kerauhin para Kerta Desa / Pamuka, Prajuru Adat / Dinas, Panitya Pembangunan, Pecalang lan Kelian Sekaa Teruna miwah sane lianan, kekawitan sawatara galah 19.59 wita, keaturang Pengenjali Umat “Om Swastyastu” pinaka pemabah.

2.    Indik Piodalan ring Pura Pengulu sane jagi rauh wantah Medatengan

3.  Tetangunan Balai Banjar nelasan prabya Rp. 256.060.000,- [satak seket enem juta, enem dase tali rupiah], ngemolihan wantuan saking Kantor Perbekel Rp 205.745,398,- [satak lima juta, pitung atus petang dase lima tali, telung atus sia dase kutus rupiah], kekirangan Dana punika anggen numbas Saka Taru, kayu, pernis lan sane lianan,  keambilan saking Kas Banjar, jinah punika dumun ngemolihan wantuan saking Bapak I Nyoman Satria [DPR saking Mengwi].

4.  Tetangunan Kos-kos ngantos mangkin pekaryane kari keambil

5.  Indik I Gusti Ayu Alit Arsini jagi memeras I Gusti Ngurah Adnyana se keluarga jagi kasobyahan ring Parum Banjar, mewates 7 rahina nenten wenten krama sane keberatan, wawu kedadosan upakara Pengangkatan / Pamerasan Anak punika kemargiang, selanturne manggalaning Adat / Dinas mangde ngicening Krama sane jagi ngangkat / Meras Anak punika ilikita [Surat Keterangan] lan ngicening petuah, indik puniki mangde kelanturan ngantos ngemolihan Keputusan Pengadilan

6.  Indik Nyekah massal mangde katinjau [Petaken sane kapending] :

·         Parum Banjar pinanggal 26 September 2010 indik Nyekah Massal

1.    Inggian memukur massal jagi kemargiang sebilang 5 warsa apisan, yening sampun wenten sawa akehnyane paling akidik 20 diri

2.    Dipradene akeh sawa nenten wenten 20 diri sesampunne 5 warsa,  memukur massal punika jagi kaundur malih 5 warsa selanturne.

Indik Nyekah massal sesampune katinjau :

a].   Nyekah ring Pribadi tetep kedadosan, wantah ngantos ring kulewarga sane asiki Kemulan / Taksu,

b].   Krama sane madue sawe jagi kairingan, nyarengan ring siwa miwah genah sane lianan nenten kedadosan

c].   Indik Nyekah jagi nganggen jadwal tetep 5 [lima] warsa apisan, dipradene sawe nenten wenten 10 [dase] diri jagi keblibagan dumun sareng sane madue sawe

7.    Usul / Darmatula :

·         Dipradene wenten Parum Desa Adat indik Pelaba Pura Dalem sane magenah ring dangin Pura Gede Bun lan Pura Dalem Batan Tanjung, mangde ke pah dados 2 [kalih] sekadi Hak Guna Pakai  

·         Sekaa Teruna sampun mekarya Tenda 2 [kalih] agengne 4x6 Meter lan 4x5 Meter jagi keaturan ke Banjar mangde ngelola [nyewang, mecikan miwah sane lianan] anggen ring krama Banjar Denkayu Delodan

a].   Krama Banjar Denkayu Delodan kedadosan nyelang Tenda punika [ngambil tur ngewaliang malih olih Krama sane nganggen ring genahne

b].   Batu-batu nyelang tenda Rp. 50.000,- [seket tali rupiah] adina

c].   Batu-batu punika kepah dados 2 [kalih], 40% ke icen ring sane ngelola, 60% ngeranjing ke Kas Banjar jagi anggen mecikan dipradene wenten sane usak

d].   Sane ka judi ngelola I Made Duwita [Juru Arah Dauh Margi]

8.    Galah 22.28 wita Parum kasineb antuk Perama santih : Om santih,santih,santih Om