Parum Banjar Pinanggal 25 Januari 2017

Acara :   1.   Pemabah

2.    Indik Arta Brana

3.    Indik Piodalan ring Pura Pengulu

4.    Indik Tetangunan

·          Tetangunan Balai Banjar

·          Tetangunan Kos-kosan

5.    Indik I Gusti Ayu Alit Arsini jagi memeras I Gusti Ngurah Adnyana

6.    Indik Nyekah Massal

7.    Atur Piuning Klian Dinas

8.    Darmatula

9.    Penyineb

-----------------------------------------------------------------------------------------------------------

1.    Parum kaenter olih Menggalaning Adat / Kelian Adat Banjar, kerauhin para Krama Banjar Adat sami, kekawitan sawatara galah 13.28 wita, keaturang Pengenjali Umat “Om Swastyastu” pinaka pemabah.

2.    Indik Arta Brana :

·         Saldo Kas [29 Juni 2016]                         Rp. 335.339.648,-

·         Kas Ngeranjing                                       Rp.   86.508.900,-

Rp. 421.848.548,-

o   Kas Medal                                                    Rp. 114.464.600,-

o   Saldo Kas [25 Januari 2017]                            Rp. 307.383.948,-

3.   a.    Indik Piodalan ring Pura Pengulu sane jagi rauh wantah Medatengan

    b.    Indik Tawur Kesanga mangkin ngemolihan Pagilir

    c.   Indik Piodalan ring Pura Desa lan Puseh durung wenten ngemolihan pah-pahan saking Desa Adat

    d.    Indik Piodalan ring Pura Dalem Pagilir Banjar Adat Denkayu Delodan

4.   a.    Tetangunan Balai Banjar nelasan prabya Rp. 256.060.000,- [satak seket enem juta, enem dase tali rupiah], ngemolihan wantuan saking Kantor Perbekel Rp 205.745,398,- [satak lima juta, pitung atus petang dase lima tali, telung atus sia dase kutus rupiah], kekirangan Dana punika anggen numbas Saka Taru, kayu, pernis lan sane lianan,  keambilan saking Kas Banjar.

b.    Tetangunan Kos-kos ngantos mangkin pekaryane kari keambil

5.  Indik I Gusti Ayu Alit Arsini jagi memeras I Gusti Ngurah Adnyana se keluarga jagi kasobyahan ring Parum Banjar, mewates 7 rahina nenten wenten krama sane keberatan, wawu kedadosan upakara Pengangkatan / Pamerasan Anak punika kemargiang, selanturne manggalaning Adat / Dinas mangde ngicening Krama sane jagi ngangkat / Meras Anak punika ilikita [Surat Keterangan] lan ngicening petuah, indik puniki mangde kelanturan ngantos ngemolihan Keputusan Pengadilan

6.  Indik Nyekah massal mangde katinjau [Petaken dumun sane kapending] :

·         Parum Banjar pinanggal 26 September 2010 indik Nyekah Massal

1.    Inggian memukur massal jagi kemargiang sebilang 5 warsa apisan, yening sampun wenten sawa akehnyane paling akidik 20 diri

2.    Dipradene akeh sawa nenten wenten 20 diri sesampunne 5 warsa,  memukur massal punika jagi kaundur malih 5 warsa selanturne.

Indik Nyekah massal sesampune katinjau :

a].   Nyekah ring Pribadi tetep kedadosan, wantah ngantos ring kulewarga sane asiki Kemulan / Taksu,

b].   Krama sane madue sawe jagi kairingan, nyarengan ring siwa miwah genah sane lianan nenten kedadosan

c].   Indik Nyekah jagi nganggen jadwal tetep 5 [lima] warsa apisan, dipradene sawe nenten wenten 10 [dase] diri jagi keblibagan dumun sareng sane madue sawe

Parum Pemuka sami katerima

a.    Dipradene wenten Parum Desa Adat indik Pelaba Pura Dalem sane magenah ring dangin Pura Gede Bun lan Pura Dalem Batan Tanjung, mangde ke pah dados 2 [kalih] sekadi Hak Guna Pakai 

b.   Sekaa Teruna sampun mekarya Tenda 2 [kalih] agengne 4x6 Meter lan 4x5 Meter jagi keaturan ke Banjar mangde ngelola [nyewang, mecikan miwah sane lianan] anggen ring krama Banjar Denkayu Delodan

·         Krama Banjar Denkayu Delodan kedadosan nyelang Tenda punika [ngambil tur ngewaliang malih olih Krama sane nganggen ring genahne

·         Batu-batu nyelang tenda Rp. 50.000,- [seket tali rupiah] adina / asiki

·         Batu-batu punika kepah dados 2 [kalih], 40% ke icen ring sane ngelola, 60% ngeranjing ke Kas Banjar jagi anggen mecikan dipradene wenten sane usak

·         Sane ka judi ngelola I Made Duwita [Juru Arah Dauh Margi]

c.   Prajuru mangde membijaksanai ngicen Luput ritatkala wenten Krama sane Ngodalan / Ngerahinan ke genah sane cutaka

7.    Atur Piuning saking Klian Dinas

a.   Krama sane durung maduwe e-KTP mangde igelis mekarya

b.   Krama sane durung polih KBS warsa 2017 puniki jagi kecetak

8.    Darmatula / Usul :

·         Indik Nyekah massal mangde magenah ring genah sane umum

·         Mangde kekaryaning Panitya ring Banjar

·         Indik puniki jagi keblibagan ring Parum Pamuka sareng Prajuru

9.    Pupulan Parum kewacen sedurung Parum kasineb ring galah 14.53 wita, antuk Perama santih : Om santih,santih,santih Om